എന്റെ വിലയേറിയ സുഹൃത്തേ, യേശുവിലൂടെ നിങ്ങൾക്കായി അത്ഭുതങ്ങൾ ചെയ്യാൻ ദൈവം ആഗ്രഹിക്കുന്നു. യോഹന്നാന്റെ സുവിശേഷം 14:12-ൽ യേശു പറഞ്ഞു, "ഞാൻ ചെയ്യുന്ന പ്രവൃത്തി എന്നിൽ വിശ്വസിക്കുന്നവനും ചെയ്യും;  അതിൽ വലിയതും അവൻ ചെയ്യും." നിങ്ങളോടുള്ള യേശുവിന്റെ സ്നേഹം കാണുക. യേശു ജഡത്തിൽ വന്ന  ദൈവമാണെന്നും അവന് ഏത് അത്ഭുതവും ചെയ്യാൻ കഴിയുമെന്നും നാം വിശ്വസിക്കുന്നു. ദൈവത്തിന് അത്ഭുതങ്ങൾ ചെയ്യാൻ കഴിയുമെന്ന് നാം വിശ്വസിക്കുന്നു. എന്നാൽ യേശു പറയുന്നു, "എന്റെ മക്കളേ, ഞാൻ നിങ്ങളെ എന്റെ നാമത്തിൽ അത്ഭുതങ്ങൾ പ്രവർത്തിപ്പിക്കുകയും ഞാൻ ചെയ്തതിലും വലിയ അത്ഭുതങ്ങൾ നിങ്ങൾ പ്രവർത്തിക്കുകയും ചെയ്യും". ദൈവം അത്ഭുതങ്ങൾ ചെയ്യുന്നവനാണ്, അത്ഭുതങ്ങൾ കൊണ്ടുവരുന്നതിനുള്ള ഒരു ഉപകരണമായി നിങ്ങളെ മാറ്റുന്നതും അവന്റെ അത്ഭുതപ്രവർത്തന ശക്തിയാണ്. ഇയ്യോബിന്റെ പുസ്തകം 5:9-ൽ വേദപുസ്തകം പറയുന്നതുപോലെ, അവൻ, ആരാഞ്ഞുകൂടാത്ത വങ്കാര്യങ്ങളും അസംഖ്യമായ അത്ഭുതങ്ങളും ചെയ്യുന്നു. പുറപ്പാട് 34:10-ൽ അവൻ ഇപ്രകാരം വാഗ്ദാനം ചെയ്യുന്നു, "ഞാൻ നിന്നോടു ചെയ്‍വാനിരിക്കുന്നതു ഭയങ്കരമായുള്ളതു തന്നേ."

അതെ, ദൈവം നിങ്ങൾക്കായി അത്ഭുതങ്ങൾ ചെയ്യും. അതുകൊണ്ടാണ് നാം യേശുവിനോട് പ്രാർത്ഥിക്കുന്നത്, കാരണം അവൻ ഇപ്രകാരം പറഞ്ഞു, "നിങ്ങൾ എന്റെ നാമത്തിൽ എന്നോടു അപേക്ഷിക്കുന്നതു ഒക്കെയും ഞാൻ ചെയ്തുതരും". നിങ്ങൾ വിശ്വസിക്കുമ്പോൾ റോമർ 4:17-ൽ എഴുതിയിരിക്കുന്നതുപോലെ അവൻ നിങ്ങൾക്കായി അത്ഭുതങ്ങൾ പ്രവർത്തിക്കും. യേശു വാക്കിലും പ്രവൃത്തിയിലും ശക്തനായിരുന്നു, നിങ്ങൾ വിശ്വസിക്കുന്നുവെങ്കിൽ നിങ്ങൾക്ക് എല്ലാം സാധ്യമാണെന്ന് അവൻ പറയുന്നു. നിങ്ങൾക്ക് അത്ഭുതങ്ങൾ ലഭിക്കുക മാത്രമല്ല, യേശുവിന്റെ നാമത്തിൽ മറ്റുള്ളവർക്ക് അത്ഭുതങ്ങൾ കൊണ്ടുവരികയും ചെയ്യും. അപ്പൊസ്തലന്മാരുടെ പ്രവൃത്തികൾ 3:6-ൽ പത്രൊസും യോഹന്നാനും മുടന്തനോടു “യേശുവിന്റെ നാമത്തിൽ എഴുന്നേറ്റു നടക്ക” എന്നു പറഞ്ഞപ്പോൾ അവൻ സുഖം പ്രാപിച്ചു എന്ന് നാം കാണുന്നു. വീണ്ടും, അപ്പൊ. പ്രവൃത്തികൾ 19:11-12 ൽ, ദൈവം പൌലൊസിലൂടെ അസാധാരണമായ അത്ഭുതങ്ങൾ ചെയ്തു, റൂമാലും ഉത്തരീയവും  പോലും രോഗശാന്തിയും വിടുതലും കൊണ്ടുവന്നു. അതെ, യേശുവിന്റെ ശക്തമായ നാമം പ്രഖ്യാപിക്കുമ്പോൾ അത്ഭുതങ്ങൾ കൊണ്ടുവരാൻ ദൈവം നിങ്ങളെയും എന്നെയും ഉപയോഗിക്കുന്നു.

ഈ അത്ഭുതങ്ങളിലൂടെ ആളുകൾ യേശുവിന്റെ സ്നേഹം കണ്ടെത്തുകയും ജീവിതത്തിൽ പ്രത്യാശ കണ്ടെത്തുകയും ചെയ്യുന്നു. ഇന്ന്, ലോകത്തിൽ മറ്റൊരു പ്രതീക്ഷയുമില്ല, കാരണം മനുഷ്യന് യഥാർത്ഥ പരിഹാരങ്ങൾ കൊണ്ടുവരാൻ കഴിയില്ല; നിങ്ങൾക്ക് ദൈവത്തെ ആവശ്യമാണ്. ക്രൂശിലെ തന്റെ യാഗത്തിലൂടെ യേശു എല്ലാവർക്കുമുള്ള വില നൽകിയിരിക്കുന്നു. കഷ്ടപ്പാടുകളിൽ നിന്നും രോഗത്തിൽ നിന്നും പാപത്തിൽ നിന്നും വേദനയിൽ നിന്നും നിങ്ങളെ മോചിപ്പിക്കാനുള്ള ശക്തി അവനുണ്ട്. വിശ്വസിക്കുന്നവരാൽ ഈ അടയാളങ്ങൾ നടക്കും എന്ന് മർക്കൊസ് 16:17 ൽ യേശു പറഞ്ഞു. അവന്റെ നാമത്തിൽ, ഭൂതങ്ങൾ ഓടിപ്പോകും, ജീവിതങ്ങൾ രൂപാന്തരപ്പെടും, രോഗികൾ സുഖം പ്രാപിക്കും. ഇതിനായി ദൈവത്തിന് നിങ്ങളെയും എന്നെയും ആവശ്യമാണ്. മറ്റുള്ളവർ എന്താണ് പറയുന്നതെന്ന് നാം ശ്രദ്ധിക്കരുത്, മറിച്ച് യേശു പറഞ്ഞ കാര്യങ്ങൾ മുറുകെ പിടിക്കുക. പ്രത്യാശയില്ലാത്തവരുടെ അടുത്തേക്ക്, അവർ അത്ഭുതങ്ങൾ പ്രാപിക്കാനും വിടുതൽ നേടാനും വേണ്ടി നമുക്ക് അവന്റെ നാമത്തിൽ പോകാം. ഈ കൃപയ്ക്കായി ദൈവത്തോട് പ്രാർത്ഥിക്കുക, യേശുവിന്റെ നാമം വഹിക്കുന്ന ഒരു ഉപകരണമായി മാറുവാൻ, നിങ്ങളെ അവന് സമർപ്പിക്കുക.

PRAYER:
പ്രിയ കർത്താവായ യേശുവേ, അങ്ങ് അത്ഭുതങ്ങൾ പ്രവർത്തിക്കുന്ന ദൈവമാണെന്ന് ഞാൻ വിശ്വസിക്കുന്നു. അങ്ങയെ പൂർണ്ണമായി വിശ്വസിക്കാനും സംശയിക്കാതെ വിശ്വാസത്തിൽ നടക്കാനും എന്നെ സഹായിക്കണമേ. അങ്ങയുടെ മഹത്വത്തിനായി എന്റെ ജീവിതത്തിലും എന്റെ  ജീവിതത്തിലുടനീളവും അത്ഭുതങ്ങൾ പ്രവർത്തിക്കേണമേ. രോഗശാന്തി, പ്രത്യാശ, വിടുതൽ എന്നിവ കൊണ്ടുവരുന്നതിനുള്ള അങ്ങയുടെ ഉപകരണമായി എന്നെ ഉപയോഗിക്കേണമേ. അങ്ങയുടെ ശക്തിയും ജ്ഞാനവും ധൈര്യവും കൊണ്ട് എന്നെ നിറയ്ക്കണമേ. അങ്ങയുടെ ശബ്ദം അനുസരിക്കാനും വിശ്വാസത്തിൽ മുന്നേറാനും എന്നെ സഹായിക്കണമേ. എന്നിലൂടെ അനേകർ അങ്ങയുടെ സ്നേഹം   അനുഭവിക്കട്ടെ. അങ്ങയുടെ മഹത്തായ നാമത്തിൽ ഞാൻ പ്രാർത്ഥിക്കുന്നു, ആമേൻ.