പ്രിയ സുഹൃത്തേ, ഇന്ന് നാം യിരെമ്യാവ് 32:27 ധ്യാനിക്കാൻ പോകുന്നു: "ഞാൻ സകലജഡത്തിന്റെയും ദൈവമായ യഹോവയാകുന്നു; എനിക്കു കഴിയാത്ത വല്ല കാര്യവും ഉണ്ടോ? " കർത്താവ് നിങ്ങളോട് ഈ ചോദ്യം ചോദിക്കുന്നു. എനിക്കു കഴിയാത്ത വല്ല കാര്യവും ഉണ്ടോ? അതെ, പ്രിയ സുഹൃത്തേ, ആകാശവും ഭൂമിയും സൃഷ്ടിച്ചത് കർത്താവാണെന്ന് 17-ാം വാക്യത്തിലൂടെ വേദപുസ്തകം പറയുന്നു. എങ്ങനെയാണ് അവൻ അവയെ സൃഷ്ടിച്ചത്? അവന്റെ മഹാശക്തികൊണ്ടും നീട്ടിയ ഭുജം കൊണ്ടും തന്നെ. പ്രിയ സുഹൃത്തേ, അവന് അസാദ്ധ്യമായി ഒന്നുമില്ല. അതുകൊണ്ടാണ് ഇയ്യോബ് 42:2-ൽ ഇയ്യോബ് പറഞ്ഞത്, "നിനക്കു സകലവും കഴിയുമെന്നും നിന്റെ ഉദ്ദേശമൊന്നും അസാദ്ധ്യമല്ലെന്നും ഞാൻ അറിയുന്നു." ഇത് എന്റെ ജീവിതത്തിൽ സംഭവിക്കുമോ? ഇത് അസാധ്യമാണ്, എന്നെല്ലാം നാം പറഞ്ഞേക്കാം. ഈ മനുഷ്യൻ വളരെ ശാഠ്യമുള്ളവനാണ്, അല്ലെങ്കിൽ ഈ ദുഷ്ടാത്മാവ് വളരെ ശക്തനാണ്, അല്ലെങ്കിൽ ഈ ദുഷ്ടാത്മാവ് വളരെ ശക്തമായി എന്റെ മേൽ വരുന്നുവെന്ന് നിങ്ങൾ പറഞ്ഞേക്കാം. "ഇത് എന്റെ ജീവിതത്തിൽ ഒരിക്കലും സംഭവിക്കില്ലെന്ന് നിങ്ങൾ പറഞ്ഞേക്കാം." അപ്പോൾ കർത്താവ് നിങ്ങളോട് ഒരു ചോദ്യം ചോദിക്കുന്നു, "എനിക്കു ചെയ്യാൻ കഴിയാത്ത വല്ല കാര്യവും ഉണ്ടോ?"

മർക്കൊസ് 10:27-ൽ യേശു തന്നെ പറയുന്നു, " മനുഷ്യർക്കു അസാദ്ധ്യം തന്നേ, ദൈവത്തിന്നു അല്ലതാനും; ദൈവത്തിന്നു സകലവും സാദ്ധ്യമല്ലോ."  നാം മനുഷ്യരാണ്; വിശ്വസിക്കാൻ പ്രയാസമാണ്. അതുകൊണ്ടാണ് മനുഷ്യന് ഇത് അസാധ്യമാണെന്ന് യേശു പറയുന്നത്. എന്നാൽ ഞാനോ ദൈവമാണ്. ഈ ഭൂമിയിലും സ്വർഗ്ഗത്തിലും ഭൂമിയുടെ കീഴിലും ഉള്ള  സകല അധികാരവും എനിക്കുണ്ട്. എനിക്കെല്ലാം ചെയ്യാൻ കഴിയും. അതെ, പ്രിയ സുഹൃത്തേ, ഒരിക്കൽ എന്റെ അമ്മയ്ക്ക് 40 വയസ്സുള്ളപ്പോൾ അവർ ഗർഭിണിയായി. അത് അവർക്ക് തന്നെ വിശ്വസിക്കാൻ കഴിഞ്ഞില്ല; അവർ ഉള്ളിൽ ചിരിക്കുകയായിരുന്നു. അവർ സ്വയം പറഞ്ഞു, "ഇത് ഒരു കുട്ടിയാകാൻ സാധ്യതയില്ല". അവർ ഡോക്ടർമാരുടെ അടുത്തേക്ക് പോയി പരിശോധന നടത്തിയപ്പോൾ ഡോക്ടർമാർക്കും അത് വിശ്വസിക്കാൻ കഴിഞ്ഞില്ല, നിങ്ങളുടെ ഗർഭപാത്രത്തിൽ ഒരു മുഴ ഉണ്ടായിരിക്കാം എന്ന് അവർ പറഞ്ഞു. ഒരു മാസം കടന്നുപോയി, രണ്ട് മാസം കടന്നുപോയി, മൂന്നാമത്തെ മാസത്തിൽ അവരുടെ വയറ് വലുതായി. വീണ്ടും, അവർ ആശുപത്രിയിൽ പോയി പരിശോധന നടത്തി, അവരെ എല്ലാവരെയും അത്ഭുതപ്പെടുത്തികൊണ്ട്, ഡോക്ടർ പറഞ്ഞു, "നിങ്ങൾ ഗർഭിണിയാണ്". എന്റെ അമ്മയ്ക്ക് അത് വിശ്വസിക്കാൻ കഴിഞ്ഞില്ലെങ്കിലും അവർ ദൈവത്തെ സ്തുതിക്കുകയും നന്ദി പറയുകയും ചെയ്തു. എനിക്ക് അന്ന് 12 വയസ്സായിരുന്നു, "എനിക്ക് ഒരു ചെറിയ സഹോദരനുണ്ടാകാൻ പോകുന്നു" എന്ന് ഞാൻ പറഞ്ഞു. ഞങ്ങൾ എല്ലാവരും ഒരു കുടുംബമായി അന്ന് രാത്രി ദൈവത്തിന് നന്ദി പറഞ്ഞു. ഇന്ന് എന്റെ ഇളയ സഹോദരൻ എന്നോടൊപ്പം സേവനമനുഷ്ഠിക്കുന്നു. എത്ര സന്തോഷവും എത്ര അനുഗ്രഹവുമാണ് അത്.

സാറയും 90 വയസ്സുള്ളപ്പോൾ ഗർഭം ധരിച്ചു. "നീ ഗർഭം ധരിക്കാൻ പോകുന്നു" എന്ന കർത്താവിന്റെ അരുളപ്പാട് അവൾക്കുണ്ടായപ്പോൾ അവൾക്ക് സ്വയം വിശ്വസിക്കാൻ കഴിഞ്ഞില്ല. ഉല്പത്തി 18:13-ൽ പറയുന്നതുപോലെ അവൾ ചിരിച്ചു കൊണ്ട് പറഞ്ഞു, "വൃദ്ധയായ ഞാൻ പ്രസവിക്കുന്നതു വാസ്തവമോ?" എന്നാൽ അടുത്ത വാക്യത്തിൽ, കർത്താവിന്റെ ദൂതൻ ഇപ്രകാരം അരുളിച്ചെയ്തു, "യഹോവയാൽ കഴിയാത്ത കാര്യം ഉണ്ടോ? ഒരു ആണ്ട് കഴിഞ്ഞിട്ട് ഈ സമയമാകുമ്പോൾ ഞാൻ നിന്റെ അടുക്കൽ മടങ്ങിവരും; സാറാ, നിനക്കു ഒരു മകൻ ഉണ്ടാകും." അത് കൃത്യമായി സംഭവിക്കുകയും ചെയ്തു. ഒരു വർഷത്തിനുശേഷം സാറാ യിസ്‌ഹാക്ക് എന്ന ഒരു മകനെ പ്രസവിച്ചു. അതെ, പ്രിയ സുഹൃത്തേ, ദൈവത്തിന് ഒന്നും അസാധ്യമല്ല. ഇല്ലാത്തതിനെ ഉള്ളതുപോലെ വിളിക്കുന്നു. അത് എനിക്ക് സംഭവിക്കില്ലെന്ന് പറയരുത്. നിങ്ങൾ പ്രതീക്ഷിക്കുന്ന അത്ഭുതങ്ങൾ എന്തുതന്നെയായാലും അവ സംഭവിക്കും. യേശു ലാസറിനെ മരിച്ചവരിൽ നിന്ന് ഉയിർപ്പിക്കുന്നതിനുമുമ്പ്, തങ്ങളുടെ സഹോദരൻ വീണ്ടും ജീവനോടെ വരുമെന്ന് മറിയയും മാർത്തയും വിശ്വസിച്ചിരുന്നില്ല. യേശു മാർത്തയോട് പറഞ്ഞു: " വിശ്വസിച്ചാൽ നീ ദൈവത്തിന്റെ മഹത്വം കാണും. ഞാൻ തന്നേ പുനരുത്ഥാനവും ജീവനും ആകുന്നു." പ്രിയ സുഹൃത്തേ, നമുക്ക് ദൈവത്തിൽ വിശ്വസിക്കാൻ തുടങ്ങാം. പറയുക, "കർത്താവേ, എന്റെ ജീവിതത്തിലെ എല്ലാ കാര്യങ്ങളും  പൂർത്തീകരിക്കാൻ അങ്ങേക്ക് കഴിയുമെന്ന് ഞാൻ വിശ്വസിക്കുന്നു. ഞാൻ ദൈവത്തോട് എന്ത് ചോദിച്ചാലും അത് സംഭവിക്കും ". വിശ്വസിക്കുന്നത് തുടരുക, സ്വർഗ്ഗത്തിന്റെ വാതിലിൽ മുട്ടുന്നത് തുടരുക; വാതിൽ തുറക്കുന്നതായിരിക്കും. ഇന്ന് അത് സംഭവിക്കും.

PRAYER:
സ്വർഗ്ഗീയ പിതാവേ, അങ്ങ് സകല മനുഷ്യരുടെയും ദൈവമാണ്, അങ്ങേക്ക് കഴിയാത്തതായി ഒന്നുമില്ല. എന്റെ സംശയങ്ങൾ ക്ഷമിക്കണമേ, "ഇത് അസാധ്യമാണ്" എന്ന് ഓരോ നിമിഷവും ഞാൻ പറഞ്ഞു. ഇന്ന്, എന്റെ ജീവിതത്തിലെ എല്ലാ കാര്യങ്ങളും അങ്ങേക്ക് ചെയ്യാൻ കഴിയുമെന്ന് വിശ്വസിക്കാൻ ഞാൻ തീരുമാനിച്ചു. കർത്താവേ, എന്റെ വിശ്വാസം ശക്തിപ്പെടുത്തുകയും എന്റെ ഉള്ളിലെ എല്ലാ ഭയവും ഇല്ലാതാക്കുകയും ചെയ്യണമേ. കർത്താവേ, അടഞ്ഞുകിടക്കുന്ന എല്ലാ വാതിലുകളും അങ്ങയുടെ ഹിതമനുസരിച്ച് തുറക്കണമേ. ഞാൻ കാത്തിരിക്കുന്ന അത്ഭുതങ്ങൾ ദയവായി നിർവഹിക്കണമേ, എന്നെ സംബന്ധിക്കുന്നതെല്ലാം പൂർത്തിയാക്കണമേ. അസാധ്യമെന്ന് തോന്നുന്നത് അങ്ങിലൂടെ സാധ്യമാകുമെന്ന് ഞാൻ വിശ്വസിക്കുന്നു. യേശുവിന്റെ മഹത്തായ നാമത്തിൽ ഞാൻ പ്രാർത്ഥിക്കുന്നു. ആമേൻ.