എന്റെ സുഹൃത്തേ, ഇന്ന്, ഈ വാക്യം വായിച്ചപ്പോൾ എനിക്ക് എന്റെ മുത്തശ്ശിയെ ഓർമ്മ വന്നു. സങ്കീർത്തനം 139:5 -ൽ വേദപുസ്തകം പറയുന്നു: "നീ മുമ്പും പിമ്പും എന്നെ അടെച്ചു നിന്റെ കൈ എന്റെമേൽ വെച്ചിരിക്കുന്നു." അതെ, നിങ്ങളിൽ എത്രപേർക്ക് ഹെമ്മിംഗിന്റെ അർത്ഥം അറിയാം? ഹെമ്മിംഗ് എന്നാൽ അവർ വസ്ത്രങ്ങൾ മടക്കുകയോ തുന്നുകയോ എഴുതുകയോ അതിൽ എന്തെങ്കിലും വരയ്ക്കുകയോ ചെയ്യുന്നു എന്നാണ്. എന്റെ മുത്തശ്ശി ഇത് ചെയ്യാറുണ്ടായിരുന്നു, എന്റെ മിക്കവാറും എല്ലാ വസ്ത്രങ്ങളിലും അവർ എന്റെ ഇനീഷ്യൽ വരയ്ക്കുമായിരുന്നു. ഞാൻ അത് കാണുമ്പോഴെല്ലാം, ഒരുപക്ഷേ എന്റെ തൂവാലയോ ടി-ഷർട്ടുകളോ, "ഓ, ഇത് എന്റേതാണ്" എന്ന് ഞാൻ ചിന്തിക്കാറുണ്ടായിരുന്നു.

അതെ, ഇന്ന് കർത്താവ് പറയുന്നു, അവൻ നിങ്ങളെ മുമ്പും പിമ്പും  അടെക്കാൻ പോകുന്നു, അവൻ നിങ്ങളുടെ മേൽ കൈ വെക്കാൻ പോകുന്നു. അതിനർത്ഥം കർത്താവിന്റെ ആദ്യക്ഷരങ്ങൾ നിങ്ങളുടെ മേൽ കൊത്തിവയ്ക്കാൻ പോകുന്നു എന്നാകുന്നു. അവൻ നിങ്ങളെ മൂടിമറയ്ക്കാൻ പോകുന്നു, അവൻ തന്റെ ആദ്യക്ഷരങ്ങൾ നിങ്ങളുടെ മേൽ വരയ്ക്കാൻ പോകുന്നു. യെശയ്യാവു 43:1-ൽ വേദപുസ്തകം പറയുന്നു, " ഭയപ്പെടേണ്ടാ, ഞാൻ നിന്നെ വീണ്ടെടുത്തിരിക്കുന്നു; ഞാൻ നിന്നെ പേർ ചൊല്ലി വിളിച്ചിരിക്കുന്നു; നീ എനിക്കുള്ളവൻ തന്നേ." അതെ, നിങ്ങൾ കർത്താവിനുള്ളവരാണ്.

ഈ ലോകത്തിൽ നിങ്ങൾ ഒറ്റയ്ക്കായിരിക്കാം. നിങ്ങളുടെ മാതാപിതാക്കൾ നിങ്ങളെ ഉപേക്ഷിച്ചിരിക്കാം, നിങ്ങളുടെ സ്വന്തം കുടുംബാംഗങ്ങൾ നിങ്ങളെ ഉപേക്ഷിച്ചിരിക്കാം, പക്ഷേ കർത്താവ് നിങ്ങളോടൊപ്പമുണ്ടെന്ന് വാഗ്ദാനം ചെയ്യുന്നു. അവൻ പറയുന്നു, "വിഷമിക്കേണ്ട, എന്റെ പ്രിയ പൈതലേ, നീ എന്റേതാണ്. നീ എന്റേതാണ്! ". അതെ, കർത്താവ് നിങ്ങളെ സ്നേഹിക്കുന്നു. ഈ സ്നേഹം അനുഭവിക്കാൻ നാം എന്തു ചെയ്യണം? നമുക്ക് നമ്മുടെ ജീവിതം പൂർണ്ണഹൃദയത്തോടെ ക്രിസ്തുവിന് സമർപ്പിക്കാം. എല്ലാ ദിവസവും നമ്മുടെ ജീവിതം നയിക്കാൻ നമുക്ക് യേശുവിനോട് അപേക്ഷിക്കാം.

PRAYER:
പ്രിയ കർത്താവേ, മുമ്പും പിമ്പും എന്നെ അടെച്ചുവെച്ചതിന് നന്ദി. അങ്ങയുടെ കൈ എന്റെമേൽ വയ്ക്കുകയും അങ്ങയുടെ സ്വന്തമെന്ന് എന്നെ മുദ്രയിടുകയും ചെയ്യേണമേ. ഞാൻ അങ്ങയുടേതാണെന്ന് എപ്പോഴും ഓർമ്മിക്കാൻ എന്നെ സഹായിക്കേണമേ. എന്റെ ജീവിതത്തിൽ അങ്ങയുടെ നാമം എഴുതുകയും അങ്ങയുടെ സാന്നിധ്യം കൊണ്ട് എന്നെ മറയ്ക്കുകയും ചെയ്യേണമേ. ഞാൻ എന്റെ ജീവിതം പൂർണ്ണഹൃദയത്തോടെ അങ്ങേക്ക് സമർപ്പിക്കുന്നു. കർത്താവായ യേശുവേ, എല്ലാ ദിവസവും എന്നെ നയിക്കുകയും വഴിനടത്തുകയും ചെയ്യേണമേ. ഞാൻ അങ്ങയുടേതാണെന്ന് എന്റെ ജീവിതം പ്രതിഫലിപ്പിക്കട്ടെ. എന്നെ പേർ ചൊല്ലി വിളിച്ചതിന് അങ്ങേക്ക് നന്ദി. യേശുവിന്റെ നാമത്തിൽ ഞാൻ പ്രാർത്ഥിക്കുന്നു, ആമേൻ.