എന്റെ വിലയേറിയ ദൈവപൈതലേ, കർത്താവ് നിങ്ങൾക്ക് സമാധാനവും സന്തോഷവും അവന്റെ സമൃദ്ധമായ എല്ലാ അനുഗ്രഹങ്ങളും നൽകട്ടെ. എന്റെ സുഹൃത്തേ, ഈ ലോകത്ത്, നാം പലതവണ ബുദ്ധിമുട്ടുന്നു, ദൈനംദിന ജീവിതത്തിലെ നിരവധി പ്രശ്നങ്ങളാൽ വലയുന്നു. എന്നാൽ ഈ വചനം, അതായത് യോശുവ 21:44 പറയുന്നു, "യഹോവ അവർക്കു ചുറ്റും സ്വസ്ഥത നല്കി." ഇതാണ് കർത്താവ് ഇന്ന് നിങ്ങൾക്ക് നൽകിയ വാഗ്‌ദത്തം. നിങ്ങൾക്ക് വിശ്രമം, സന്തോഷം, ആനന്ദം, ആശ്വാസം, ക്ഷേമം എന്നിവ വേണമെന്ന് ആഗ്രഹിക്കുന്നുവോ? കർത്താവ് പറയുന്നു, "എന്റെ അടുത്തേക്ക് വരിക, ഞാൻ നിങ്ങൾക്ക് നൽകാം." മത്തായി 11:28 പറയുന്നു, "അദ്ധ്വാനിക്കുന്നവരും ഭാരം ചുമക്കുന്നവരും ആയുള്ളോരേ, എല്ലാവരും എന്റെ അടുക്കൽ വരുവിൻ; ഞാൻ നിങ്ങളെ ആശ്വസിപ്പിക്കും." എന്റെ സുഹൃത്തേ, നിങ്ങൾക്ക് വളരെയധികം ആശങ്കകൾ ഉണ്ടോ? ആളുകൾ നിങ്ങളെ പലവിധത്തിൽ ബുദ്ധിമുട്ടിക്കുകയാണോ? നിങ്ങൾക്ക് എല്ലായിടത്തും വായ്പകൾ ഉള്ളതിനാൽ ആളുകൾ നിങ്ങളെ ബുദ്ധിമുട്ടിക്കുന്നുണ്ടോ? എന്നാൽ ദൈവം പറയുന്നു, "എന്റെ അടുക്കൽ വരുവിൻ. എന്റെ അടുക്കൽ വരുവിൻ. ഞാൻ നിങ്ങൾക്ക് സ്വസ്ഥത നൽകാം."

നിന്റെ കാര്യമോ സുഹൃത്തേ? നിങ്ങൾക്ക് കർത്താവുമായി അടുത്ത ബന്ധമുണ്ടോ? ഹബക്കൂക്ക് 3:16 പറയുന്നു, കഷ്ടകാലങ്ങളിൽ അവൻ തന്റെ ജനത്തെ സംരക്ഷിക്കും. വീണ്ടും, മത്തായി 11:28 -ൽ കർത്താവ് പറയുന്നു,  "അദ്ധ്വാനിക്കുന്നവരും ഭാരം ചുമക്കുന്നവരും ആയുള്ളോരേ, എല്ലാവരും എന്റെ അടുക്കൽ വരുവിൻ; ഞാൻ നിങ്ങളെ ആശ്വസിപ്പിക്കും." കർത്താവ് നിങ്ങൾക്ക് എങ്ങനെയാണ്  സ്വസ്ഥതയും ആശ്വാസവും നൽകുന്നത്? ദൈവവചനത്തിലൂടെ എന്ന് വേദപുസ്തകം  പറയുന്നു. ദൈവവചനം എത്രത്തോളം വായിക്കുന്നുവോ അത്രത്തോളം നിങ്ങൾക്ക് ആശ്വാസം ലഭിക്കും. "നമുക്കു തിരുവെഴുത്തുകളാൽ ഉളവാകുന്ന സ്ഥിരതയാലും ആശ്വാസത്താലും പ്രത്യാശ ഉണ്ടാകേണ്ടതിന്നു തന്നേ എഴുതിയിരിക്കുന്നു" എന്ന് റോമർ 15:4 പറയുന്നു. സങ്കീർത്തനം 119:50 -ഉം ഇങ്ങനെ പറയുന്നു, "നിന്റെ വചനം എന്നെ ജീവിപ്പിച്ചിരിക്കുന്നതു എന്റെ കഷ്ടതയിൽ എനിക്കു ആശ്വാസമാകുന്നു." "നിന്റെ ആശ്വാസങ്ങൾ എന്റെ പ്രാണനെ തണുപ്പിക്കുന്നു" എന്ന് സങ്കീർത്തനം 94:19 പറയുന്നു. നിങ്ങൾ ദൈവവചനം എത്രത്തോളം വായിക്കുന്നുവോ അത്രത്തോളം ദൈവവചനത്തിലൂടെ നിങ്ങൾക്ക് ആശ്വാസം ലഭിക്കും.

കാരണം ദൈവവചനത്തിൽ ജീവനുണ്ട്. യഥാർത്ഥത്തിൽ അതിൽ ജീവനുണ്ട്. അത് ശരിയായ സമയത്ത് നിങ്ങളോട് സംസാരിക്കും. നിങ്ങൾ ദൈവത്തിന്റെ സന്നിധിയിൽ കാത്തിരിക്കുമ്പോൾ കർത്താവ് വന്ന് നിങ്ങൾക്ക് വിശ്രമം നൽകും. വേറെ വഴിയില്ല. പൂർണ്ണഹൃദയത്തോടെ അവനെ അന്വേഷിക്കുക. നിങ്ങൾക്ക് കഴിയുന്നിടത്തോളം ദൈവവചനം വായിക്കുക. ആ വചനം നിങ്ങളെ ആശ്വസിപ്പിക്കും. കർത്താവ് നിങ്ങളോട് സംസാരിക്കും. ദൈവത്തിന്റെ സന്നിധിയിൽ കാത്തിരിക്കുക, കർത്താവ് തന്നെ നിങ്ങളുടെ നിലവിളി കേൾക്കുകയും നിങ്ങൾക്ക് ആശ്വാസം നൽകുകയും നിങ്ങളുടെ എല്ലാ പ്രശ്നങ്ങളിൽ നിന്നും നിങ്ങളെ മോചിപ്പിക്കുകയും ചെയ്യും. കർത്താവിങ്കലേക്ക് നോക്കുന്ന ശീലം നിങ്ങൾക്കുണ്ടോ? വരൂ, നമുക്ക് കർത്താവിനെ മുറുകെ പിടിക്കാം. അവനോട് നിലവിളിക്കുക. അവൻ നിങ്ങൾക്ക് സമാധാനവും ആശ്വാസവും സ്വസ്ഥതയും നിങ്ങൾ പോകേണ്ട വഴിയും നൽകും.

PRAYER:
കർത്താവേ, എന്റെ എല്ലാ ഭാരങ്ങളോടും ആകുലതകളോടുംകൂടെ ഞാൻ അങ്ങയുടെ അടുക്കൽ വരുന്നു. എല്ലായിടത്തും എന്നെ ചുറ്റിയിരിക്കുന്ന പ്രശ്നങ്ങളെ അങ്ങ്‌ കാണുന്നുവല്ലോ. അങ്ങയുടെ വാഗ്‌ദത്തമനുസരിച്ച് എനിക്ക് എല്ലാ വശത്തും വിശ്രമം നൽകേണമേ. പൂർണ്ണഹൃദയത്തോടെ അങ്ങയെ അന്വേഷിക്കാൻ എന്നെ പഠിപ്പിക്കണമേ. എല്ലാ ദിവസവും അങ്ങയുടെ വചനം വായിക്കാനും മുറുകെപ്പിടിക്കാനും എന്നെ സഹായിക്കണമേ. അങ്ങയുടെ വചനം എന്റെ ആത്മാവിനെ ആശ്വസിപ്പിക്കുകയും എനിക്ക് ജീവൻ നൽകുകയും ചെയ്യട്ടെ. കർത്താവേ, കൃത്യസമയത്തു എന്നോടു സംസാരിക്കണമേ. എന്റെ നിലവിളി കേൾക്കുകയും എന്റെ എല്ലാ പ്രശ്നങ്ങളിൽ നിന്നും എന്നെ മോചിപ്പിക്കുകയും ചെയ്യേണമേ. ഞാൻ പോകേണ്ട വഴിയിൽ എന്നെ നയിക്കേണമേ. യേശുവിന്റെ വിലയേറിയ നാമത്തിൽ, ഞാൻ പ്രാർത്ഥിക്കുന്നു, ആമേൻ.