ఆరాధనగారిని కలవండి: భారమైన స్థితిలో నుండి అత్యధికముగా ప్రవహించే ఆశీర్వాదముల వరకు

మా వివాహమైన తరువాత, దేవుడు నన్ను మరియు నా భర్తను ఆశీర్వదించి ఒక కుమారుని అనుగ్రహించెను. కానీ ఆ తరువాత నా భర్త, ఆగ్రాకు బదిలీ చేయబడ్డాడు మరియు కేవలం వారంతములలో మాత్రమే మమ్మల్ని లక్నోలో కలుసుకొనగలడు. పసిబిడ్డను చూసుకోవలెను మరియు PhD కొరకు సిద్ధపడవలెను గనుక జీవితము చాలా భారముగా మారిపోయింది. మా నాన్నగారు కొన్ని సమయములలో నాకు సహాయము చేసినను, తరచూ నేను భారముగాను, ఒంటరిగాను భావించేదానను. ఆ సమయములో నేను నా కుటుంబమును కుటుంబ ఆశీర్వాద పధకములో చేర్చాను. అద్భుతరీతిగా, దేవుడు నా కుటుంబము కొరకు చేసిన ప్రతి ప్రార్థనను ఆలకించెను. మరియు నా భర్తకు లక్నోలో ఉద్యోగము లభించినది మరియు తిరిగి ఇంటికి వచ్చారు. దేవుని కృపవలన, నేను నా PhD పూర్తి చేశాను. మరియు పోస్ట్ డాక్టోరల్ చదువు కొరకు ఫెలోషిప్లను కూడ పొందుకొన్నాను. ఐదు సంవత్సరముల తరువాత, మేము మరొక బిడ్డ కొరకు ఆశించాము. కానీ నాలో అండముల ఉత్పత్తి తక్కువగా ఉన్నదని డాక్టర్లు చెప్పారు మరియు రెండు నెలల్లో గర్భము ధరించకపోతే IVF చేయించుకొనమని సూచించారు. నా గుండె దుఃఖముతో నిండిపోయింది. కానీ ఒక కుటుంబ ఆశీర్వాద ప్రార్ధన సమయములో, దేవుడు అద్భుతము చేశాడు. నేను సహజముగా గర్భము ధరించాను! నా కుమారుడు, ఒక చెల్లెలు కొరకు ప్రార్ధన చేసేవాడు మరియు దేవుడు ఆ ప్రార్థన ఆలకించి, చక్కటి కుమార్తెను మాకు అనుగ్రహించాడు. నేడు, మేము సంపూర్ణముగాను మరియు ఆశీర్వాదకరముగా ఉన్నాము. దేవునికే మహిమ కలుగును గాక!